Skip to content


விக்டோரிய மாநில சிறு வர்த்தகர்களுக்கான பொதுநல மற்றும் மனநல ஆதரவுதவி

விக்டோரிய மாநில வர்த்தகங்களுக்கான பொதுநல மற்றும் மனநல ஆதரவுதவிக்கு $26 மில்லியன் நிதி

இத் திட்டத்தின் விபரங்கள்

‘கொரோனா வைரஸ் (COVID-19)’ நோய்த்தொற்றுத் தாக்கங்களின் ஊடாகக் கடந்துசெல்லும் சிரமங்கள் மிக்க காலத்தில் தேவைப்படும் மனநல ஆதரவுதவியினை சிறு வர்த்தகம் ஒன்றை நடத்திவரும் விக்டோரிய மாநில வாசிகள் இத் திட்டத்தின் மூலமாகப் பெறலாம்.

இந்தத் திட்டத்தின் கீழ் கிடைக்கும் தற்போதைய உதவிகளில் பின்வருவன உள்ளடங்கும்:

  • உங்களுடைய வர்த்தகத்தைப் பற்றி நீங்கள் கவலைப்பட்டுக் கொண்டிருந்தால் ‘Partners in Wellbeing’ உதவித் தொலைபேசி இணைப்பு எண் 1300 375 330 (வார நாட்களில் காலை 9 மணி முதல் இரவு 10 மணி வரை மற்றும் வார இறுதி நாட்களில் காலை 9 மணி முதல் மாலை 5 மணி வரை ),
    இலவச வர்த்தக அறிவுரையாளர்களையும் நிதிவிவகார அறிவுரையாலோசகர்களையும் இலவசமாக அணுகும் வசதியையும் உங்களுடைய நலத்தினை மேம்படுத்திக்கொள்வதற்கான ‘ஒருவருக்கு-ஒருவர்’ என்ற ரீதியிலான ஆதரவையும் வழங்குகிறது.
  • St John ஆம்புலன்ஸ் மனநல மற்றும் நெருக்கடி கால ஆதரவுதவிப் பயிற்சி’

கூடுதல் திட்டங்கள் விரைவில் வெளியிடப்படும், மற்றும் இவற்றைப் பற்றிய விபரங்கள் இந்தப் பக்கத்தில் கிடைக்கும்.

உடனடி மனநல ஆதரவுதவியைப் பெற ‘வர்த்தகர் மனநலம்’ (Mental health in business) எனும் வலைத்தலத்திற்குச் செல்லுங்கள்.

Partners in Wellbeing உதவித் தொலைபேசி இணைப்பு

மன அழுத்தத்திற்கு ஆட்பட்டிருக்கும் வர்த்தக முதலாளிகளுக்கு இலவச வர்த்தக அறிவுரையாளர்களையும், நிதிநிலை ஆலோசகர்களையும் அளிப்பதற்காக ‘Partners in Wellbeing’ எனும் உதவித் தொலைபேசி இணைப்பு எண்(1300 375 330 ) விரிவாக்கம் செய்யப்பட்டுள்ளது.

இதனுடைய அலுவல் நேரங்கள் வார நாட்களில் காலை 9 மணி முதல் இரவு 10 மணி வரை, மற்றும் வார இறுதி நாட்களில் காலை 9 மணி முதல் மாலை 5 மணி வரை. உங்களுடைய வர்த்தகத்தைப் பற்றி நீங்கள் துயருற்றிருந்தாலோ, படபடப்பாக இருந்தாலோ தயவு செய்து 1300 375 330-இல் Partners in Wellbeing எனும் சேவையினை அழையுங்கள், அத்துடன் நீங்கள் வேண்டினால் மொழிபெயர்க்கப்பட்ட சேவைகளையும் நீங்கள் இங்கிருந்து பெறலாம்.

‘St John ஆம்புலன்ஸ் மனநல மற்றும் நெருக்கடிகால ஆதரவுதவிப் பயிற்சி’

இந்தத் திட்டம் இப்போது மூடப்பட்டுள்ளது. மேலதிக தகவல்களை நீங்கள் பெற விரும்பினால் எங்களைத் தொடர்பு கொள்ளவும்

ஒவ்வொரு நகரவையைச் சேர்ந்த ஊழிய அங்கத்தவர் ஒருவருக்கும், ‘வர்த்தகர் நலக் கூட்டமைப்பு’ (Chambers of Commerce) ‘வர்த்தக சங்கங்கள்’ (Business Associations) அல்லது ‘வர்த்தகத் தொடர்புவலைகள்’ (Business Networks) ஆகிய அமைப்புகளில் பதவிகள் வகிக்கும் முக்கிய அங்கத்தவர்களுக்கும் ‘St John ஆம்புலன்ஸ் அங்கீகாரம் பெற்ற மனநல மற்றும் நெருக்கடிகால ஆதரவுதவி’க்கான பயிற்சி கிடைத்தது.

இப் பயிற்சியானது இதில் பங்குபற்றுபவர்களுக்குப் பின் வரும் விடயங்களில் உதவும்:

  • பொதுநல அல்லது மனநல சவால்களை எதிர்கொள்ளும் உள்ளூர் வர்த்தக சமூகத்தினருக்கு ஆதரவுதவி அளிக்கத் தேவைப்படும் திறன்களை ஏற்படுத்திக்கொள்ள
  • ‘மன நலத்திற்கே முதலிடம்’ என்ற ரீதியிலான ஆதரவுதவியை அளிப்பதற்காக தேசிய அளவில் அங்கீகரிக்கப்படும் தகுதிச் சான்று ஒன்றைப் பங்குபற்றுனர்ளுக்கு வழங்க
  • சிறு வர்த்தக முதலாளிகளுக்கும், மற்ற சமூக அங்கத்தவர்களுக்குமான பொதுநல மற்றும் மனநல ஆதரவுதவி இருக்கிறது என்பதைப் பற்றிய விழிப்புணர்வை ஏற்படுத்த.

மேலதிக ஆதரவுதவி

அறிவுரை வல்லுனர்களை அங்கத்தவர்களுக்கு உடனடியாக அளிக்கவும், இன்னலில் இருப்பவர்களை அடையாளம் கண்டு அதற்குரிய நடவடிக்கைகளை மேற்கொள்வதற்கான வேலைக்-காலப் பயிற்சியை ஊழியர்களுக்கு அளிக்கவுமென தொழில் மற்றும் வர்த்தக சங்கங்களில் மனநல நிபுணர்களும் ஒரு அங்கமாக இடம்பெற்றிருப்பார்கள்,

இந்த ஆதரவுதவி சேவைகள் 2022-ஆம் ஆண்டு வரை தொடரும் என்று எதிபார்க்கப்படுகிறது, மற்றும் இந்த சேவைகளுக்கான தேவை மற்றும் எதிர்கால சூழல்கள் ஆகியவற்றின் அடிப்படையில் அடுத்த கட்ட சேவைகள் அமையும்.

இந்தக் கூடுதல் சேவைகளைப் பற்றிய மேலதிகத் தகவல்கள் விரைவில் வெளியிடப்படும், மற்றும் அவற்றைப் பற்றிய விபரங்களை இந்தப் பக்கத்தில் காணலாம்.

Business Victoria -அமைப்புடன் உங்கள் மொழியில் தொடர்புகொள்ள 13 14 50 -இல் TIS National -ஐ அழைத்து, Business Victoria -அமைப்பின் உதவித் தொலைபேசி இணைப்பான 13 22 15 எனும் இலக்கம் வேண்டுமெனக் கேளுங்கள்.

Close quick view window